Iturria: EILAS sindikatua

         Erlijio katolikoa zenbakitan         

Artikulu honen asmoa ez da erlijio katolikoko langileak apezpikuak izendatzen dituela eta ikasgelan sermoia ematen ari diren bitartean gainontzeko ikasgaietan ere puntuatzen dutela salatzea, ezta bertan ematen dituzten edukiak zientziarekin talka egiten dutela zalantzan jartzea, ezta erlijio katolikoko taldeak osatzeko ikasle bakarra matrikulatua egotea nahikoa dela esatea, gainontzeko ikasgaietan taldea osatzeko 10 ikasle behar direnean. Esfortzu handiegirik egin gabe ia ikasleen %100ak “ikasgaia” gainditzen duela edo kristau ikastetxeek jasotzen duten gainfinantzaketa jomugan jartzea ere ez da artikulu honen asmoa.

Artikulu honen helburua, goian aipatutako pribilegio horiei zenbakiak jartzea da, zenbakiak baitira edozein argumentu indartzen dutenak.

 Matrikula

Nahiz eta erlijio katolikoak dopatuta jokatu, eskola publikoan daraman beherakada geldiezina da. Lehen Hezkuntzan adibidez, sei urtetan, ikasgai honetan matrikulatu diren ikasleen kopurua 2,6 puntu jaitsi eta

%11,05 eskas batean geratu da. Ereduetan begiratzen badugu, gainbehera doazen A eta B ereduetan matrikularen %30-35 suposatzen du. Hegemonikoa den D ereduan berriz, soilik hamarretik bat matrikulatzen da erlijio katolikoan.

DBHn ere joera antzekoa da, eta 4. mailan %14,07 erlijio katolikoan matrikulatu badira, 1. mailan kopuru hau

% 8,82ra jaitsi da, hau da, lau urtetan 5,25 puntu gutxiago. Hemen ere ereduen artean aldea dago.

Batxilergoan, ikasgai honetan matrikulatzen diren ikasleen kopurua hutsaren hurrengoa da, EBAUko notaren batezbesterako balio ez duenetik, eta BATX2n adibidez, %2ra ozta-ozta iristen da.

A		B		D		Guztira
Ikasleak	Katolikoa                   %	Ikasleak	Katolikoa                   %	Ikasleak	Katolikoa                   %	Ikasleak	Katolikoa                    %

LH1	88	31	35,23	169	50	29,59	9571	1005	10,50	9828	1086	11,05
LH2	159	56	35,22	192	45	23,44	10667	1237	11,60	11018	1338	12,14
LH3	132	59	44,70	176	51	28,98	10094	1252	12,40	10402	1362	13,09
LH4	153	70	45,75	265	84	31,70	10441	1313	12,58	10859	1467	13,51
LH5	164	66	40,24	433	142	32,79	10372	1272	12,26	10969	1480	13,49
LH6	263	80	30,42	544	170	31,25	10928	1352	12,37	11735	1602	13,65
LH	959	362	37,75	1779	542	30,47	62073	7431	11,97	64811	8335	12,86

DBH1	303	75	24,75	418	93	22,25	10696	839	7,84	11417	1007	8,82
DBH2	343	80	23,32	428	102	23,83	10349	930	8,99	11120	1112	10,00
DBH3	329	63	19,15	383	104	27,15	8616	859	9,97	9328	1026	11,00
DBH4	286	57	19,93	349	121	34,67	7853	1016	12,94	8488	1194	14,07
DBH	1261	275	21,81	1578	420	26,62	37514	3644	9,71	40353	4339	10,75

BATXI1	317	67	21,14	161	18	11,18	5889	626	10,63	6367	711	11,17
BATXI2	332	26	7,83	557	17	3,05	6169	104	1,69	7058	147	2,08
BATXI	649	93	14,33	718	35	4,87	12058	730	6,05	13425	858	6,39

Itunpeko ikastetxeetako datuak beste batzuk dira, hemen ikasleen %50a baino gehiago ikastetxe erlijiosoetan matrikulatzen baita. Horrela, ikasleen %58 inguruk erlijioko klaseak jasotzen ditu. Hala ere, hemen ere gainbehera nabaria da, LHn 2,05 puntu eta DBHn 3,67 jaitsi baita. Beherakada honen oinarria ikastetxean erlijio aukeratu bai ala ez baino gehiago, familiek kristau balioei bizkar eman eta ikastetxe erlijiosoetan haurrak gero eta gutxiago matrikulatzen dituztelako da.

A		B		D		Guztira
Ikasleak	Katolikoa                   %	Ikasleak	Katolikoa                   %	Ikasleak	Katolikoa                   %	Ikasleak	Katolikoa                    %

LH1	423	284	67,14	2861	2368	82,77	5737	2433	42,41	9021	5085	56,37
LH2	470	306	65,11	3142	2639	83,99	5950	2521	42,37	9562	5466	57,16
LH3	477	288	60,38	3261	2804	85,99	5871	2493	42,46	9609	5585	58,12
LH4	487	299	61,40	3453	2974	86,13	5896	2500	42,40	9836	5773	58,69
LH5	535	344	64,30	3535	3017	85,35	6166	2610	42,33	10236	5971	58,33
LH6	577	375	64,99	3821	3229	84,51	6214	2596	41,78	10612	6200	58,42
LH	2969	1896	63,86	20073	17031	84,85	35834	15153	42,29	58876	34080	57,88

DBH1	834	543	65,11	4359	3451	79,17	6786	2834	41,76	11979	6828	57,00
DBH2	945	642	67,94	4382	3463	79,03	6601	2898	43,90	11928	7003	58,71
DBH3	794	608	76,57	3783	3175	83,93	6081	2598	42,72	10658	6381	59,87
DBH4	789	476	60,33	3491	2979	85,33	5647	2568	45,48	9927	6023	60,67
DBH	3362	2269	67,49	16015	13068	81,60	25115	10898	43,39	44492	26235	58,97

BATXI1	2506	1894	75,58	917	683	74,48	4092	1556	38,03	7515	4133	55,00
BATXI2	2613	312	11,94	885	51	5,76	4206	162	3,85	7704	525	6,81
BATXI	5119	2206	43,09	1802	734	40,73	8298	1718	20,70	15219	4658	30,61

 Ebaluazioa/notak

Batzuk diote lan gutxi eginda erlijio katolikoa irakasgaia gainditzen dela eta ez hori bakarrik, nota ere oso altua dela gainontzeko ikasgaiekin alderatuta. 22-23ko datuak hartuko ditugu kontuan eta guztiekin ez bada ere, gainerako irakasgai batzuekin egingo dugu konparatiba.

Datu hauek eskuan hartuta, argi ikusten da bai LHn eta bai DBHn aprobatu kopuru altuenak erlijio katolikoan ematen direla, batean %99,72ko kopuruarekin eta bestean %97,41arekin. Nork ez luke ikasgai hau aukeratuko ezer gutxi eginda halako aprobatu kopurua badu? Zorionez familien hautua beste bat da. Eta zifra hauei buruz zer esan? Ezer gutxi, artikuluaren hasieran esan bezala, zenbaki hauek ikusita beste ezer esan beharrik ez baitago.

Zoritxarrez bi etapa hauetako batezbesteko notarik ez dugu baina bai batxilergokoak, beraz, ebaluazioaren atal hau gehiago sakonduko dugu etapa honetan.

Erlijio katolikoak ikastetxeetan duen gainbeherari galga jarri nahian, PPren LOMCEk ikasgai hau EBAUrako batezbesteko nota ateratzeko gainontzeko ikasgaiekin batera jarri zuen eta matrikulazioan gorakada izan zuen. Neurri bidegabe hau ez dugu baloratuko. Nola ez zuen ba ikasleak ikasgai hau aukeran hartuko, ezer gutxi eginda gutxienez 9ko nota ateratzen bazuen? Nola ez hautatu erlijioa, batezbestekoan euskara edo gaztelaniako nota baino 2 puntu gehiago ematen bazituen? Zorionez LOMLOEk neurri hau atzera bota eta erlijioko matrikulazioa inoiz izan duen maila baxuenera erori da. Eskerrak!

Batxilergoan gaindituen kopurua oso altua izaten da orokorrean irakasgai guztietan, baina nola ez, hemen ere txapela erlijio katolikoak irabazten du. Eta notei dagokienez, zer esanik ez.

 Finantzaketa

Atal honetan, EAEko ikastetxe erlijiosoek itunetan jasotzen duten finantzaketaz gain, ikastetxe publikoko erlijio katolikoko irakasleek jasotzen duten nomina ere kontuan hartuko dugu. Hau da, Kristau Eskola, Elizbarrutiko Ikastetxeak eta Opusen kontrolpean dauden ikastetxeen finantzaketari, ikastetxe publikoetako LH, DBH eta BATXIko erlijioko irakasleen soldatak gehituko dizkiogu. Kalkulu honetatik kanpo geratuko dira udalek, familiek edo erakunde publiko zein pribatuek ikastetxe hauei ematen dieten dirutza, soilik Hezkuntza Sailak zuzenean emandako finantzaketa hartuko dugu kontuan.

Haur Hezkuntza I	179	78.723	14.091.422
Haur Hezkuntza II	596	78.723	46.918.926
Lehen Hezkuntza	1495	82.480	123.308.093
Bigarren Hezkuntza I	571	114.297	65.263.661
Bigarren Hezkuntza II	557	128.591	71.625.298
Batxilergoa	385	131.784	50.736.867
Laguntzako langileak	*	*	48.870.880
Lanbide Heziketa	*	*	52.453.000
Guztira	*	*	473.268.148

2023/24 ikasturteko ituntze aginduak ikastetxe erlijioso hauek 473M€ko finantzaketa jasotzen dutela dakar. Bada zerbait, ezta? Taula asko ez luzatzearren, laguntzako langileen eta LHko modulu desberdinen finantzaketa ez dugu zatika jaso. Banaketa lurraldeka egingo bagenu, Bizkaiko ikastetxe erlijiosoak izango lirateke finantzaketa handiena jasoko luketenak (270,7M€), Gipuzkoakoek atzetik jarraituko liekete (112,3M€) eta azkenik Arabakoek (90,2M€).

Beste dirulaguntza zuzena eskola publikoko erlijioko irakasleei ematen zaien soldata da. EAEn guztira erlijio katolikoko 90 irakasle daude LHn eta 50 DBHn, eta antzinatasuna kontuan hartu gabe, 5,57M€ xahutzen ditu Sailak horien nominatan. Oso irakasle gutxi dira erlijio orduekin bere ordutegia osatu dezaketenak, DBHn batezbeste erlijioko 6,5 ordu ematen dituzte. Hau horrela izanda, ikastetxeak enplegatu hauei ordutegia osatzera behartuta daude. Hauek beste irakasgaietako orduak hartu ditzakete baina gainontzekoek ezin dute inolaz ere erlijio orduekin beraien ordutegia osatu. Bitxia, ezta?

 Motzean

• Ikastetxe ez-erlijiosoetan ere kristautasunak bere arrastoa utzi du eta oraindik ere santu edo birjinen izena duten ikastetxeak aurki ditzakegu. Horrela ikastetxe publikoetan Arantzazuko Ama Ikastola edo San Andres eskola publikoa aurkitu ditzakegu edo Ikastolen Elkartean Santo Tomas Lizeoa edo Inmakulada LH. Zizurkilgo San Millan eskola publikoa izena aldatzear da, hori da bidea!

• Nahiz eta gela osatzeko 10 ikasle behar, erlijio katolikoaren kontrako bidea egiten ari dena islama da. LH6an ikasleen %1,07aren matrikula jasotzetik, LH1ean %1,27a izatera pasa da, hau da, 6 urtetan %18,7ko igoera izan du.

A		B		D		Guztira
Ikasleak	Islam                %	Ikasleak	Islam                %	Ikasleak	Islam                %	Ikasleak	Islam                 %

LH1	88	4	4,55	169	13	7,69	9571	108	1,13	9828	125	1,27
LH2	159	9	5,66	192	8	4,17	10667	96	0,90	11018	113	1,03
LH3	132	11	8,33	176	9	5,11	10094	95	0,94	10402	115	1,11
LH4	153	23	15,03	265	11	4,15	10441	84	0,80	10859	118	1,09
LH5	164	19	11,59	433	18	4,16	10372	78	0,75	10969	115	1,05
LH6	263	10	3,80	544	27	4,96	10928	88	0,81	11735	125	1,07

• 22/23 ikasturtean, LH duten eskola publikoko 338 ikastetxetatik 120tan ez da erlijioan inor matrikulatu, 62tan 5 ikasle baino gutxiago dituzte gelako, eta soilik 94 ikastetxe dira, %27,8a, erlijioko gelatan 10eko ratioa edo handiagoa dutenak.

• Derrigorrezko hezkuntzako etapatan azken bi urte hauetan ikastetxe erlijiosoek, eta orokorrean itunpeko ikastetxe guztiek izan duten ituntze moduluen igoera %12koa izan da, hau da, batezbeste 40 €ko igoera izan dute ikasleko eta hileko. Ikastetxe hauen hileko kuota 30-40€ ingurukoa izanik, zergatik dagoeneko ez dira doakoak?

Itun Mod.

Haur Hezkuntza	69.897 €	78.723 €	8.826 €	19,20	460 €	38 €
Lehen Hezkuntza	73.112 €	82.480 €	9.368 €	23,01	407 €	34 €
DBH 1. Zikloa	101.186 €	114.297 €	13.111 €	24,87	527 €	44 €
DBH 2. Zikloa	113.946 €	128.591 €	14.645 €	25,13	583 €	49 €
Batxilergoa	116.686 €	131.784 €	15.098 €	27,34	552 €	46 €

Laburbilduz, zenbakiek baieztatzen digute erlijio katolikoko gainditu kopurua beste ikasgaietakoa baina handiagoa dela, ateratzen diren notak beste ikasgaiekin alderatuta altuagoak direla, ikasgai honen matrikulen gainbehera orokorra dela eta jasotzen duen finantzaketa ikaragarri handia dela. Azaldu dugun moduan, zoritxarrez eliza katolikoa errotuegia dago EAEko hezkuntzan eta honen aurrean STEILASek laikotasunaren alde tinko jarraituko du borrokan. n