Alderdiei bidalitako hauteskunde proposamena

UDALETAN, ETA FORU-ADMINISTRAZIOAN BORONDATE

POLITIKOA IZANEZ GERO, ASKO DAGO EGITEKO ESTATU

LAIKOAREN ALDE

Estatua eta erlijio-konfesio guztien arteko banakuntza ezinbesteko baldintza da legearen

aurrean pertsona guztiak benetan berdinak izan daitezen. Hemen aurkezten ditugun neurri

hauen xedea da tokiko botere publikoen eta erlijio-konfesioen arteko banaketa finkatzea,

halako moduan non ezartzen baita instituzio politikoen zilegitasun hertsiki sekularra,

helburu erlijioso eta zibilen arteko nahasketarako tarterik utzi gabe. Xedea da orobat

administrazio zibilaren (udal zein lurralde mailakoaren) neutraltasuna edo ezkonfesionaltasuna

bi zentzutan ezartzea: A- Botere publikoen konpromisoa ezen ez dutela

eskuhartzerik izango hertsiki erlijiosoak diren gaietan, ahalik eta askatasunik handiena

utziz alor horietan, zeinetan ordena publikoak eta legeak baitira mugapen bakarra. BBerdintasuna

ezartzea, ideologia, erlijio, edo horien ezaren kariaz inolako bereizkeriarik

egon ez dadin.

1- Ekitaldi publiko ofizialak hertsiki zibilak izango dira, eta ez dute erlijio-kutsurik

izango. Era guztietako erlijio-ikurrak desgertaraziko dira Administrazioen

mendeko diren ekitaldi ofizialetan eta titulartasun publikoko guneetan. Ezein

erlijio-konfesiotako ordezkari erlijiosoak ez dira gonbidatuak izango ekitaldi

zibiletara, eta ez dira agintari publikotzat hartuko.

2- Administrazioek ez dute sustatuko inolako erlijiozko erritu edo ospakizunik.

Ezabaturik geratzen dira, eta atzeraeraginarekin, adbokazioei, santuei, irudiei edo

erlijioari loturiko beste ikurrei egindako ohore edo botu publikoak, hots, dominak

ematea, alkate betiereko izendatzea, eta antzekoak.

3- Ez da doan emango, ez erraztuko, lur publikorik ez lokalik, eta ez da

finantzaketa publikorik ez salbuespenik udal zergetan emango, azpiegiturak

instalatzeko edo ekitaldiak antolatzeko ezein erlijio-konfesiori.

4- Erlijio-konfesioek ordaindu beharko dituzte beren ekintzetatik ondorioztatzen

diren udal zerga guztiak, Ondasun Higiezinena (OHZ) barne, ekintza haiek

merkataritzakoak edo izaera erlijiosokoak izan.

Bide horretan, Udalek eskaera egingo diete Batzar Nagusiei hauek aldarazi

ditzaten OHZ Eliza Katolikoari eta beste erakunde batzuei ez kobratzera

behartzen dituzten arauak.

5- Udalek zentsu publiko bat egingo dute eliza katolikoaren edo beste edozein

konfesiorenak izaki, OHZ ordaintzetik salbuetsiak diren jabetza guztiekin,

kulturako guneak izan edo beste merkataritza-edo gizarte-jardueretako erabili.

Hala egokitzen bada, eliza katolikoak immatrikulazio-sistemaren bidez

bereganatutako ondasun landatar eta hiritar guztien zentsua prestatuko dute.

OHZ ordaintzetik salbuetsita leudekeen beste erakunde publiko zein pribaturen

zentsua ere egingo dute.

6- Batzar Nagusiek aldarazi egingo dituzte Eliza Katolikoa eta beste errlijiokonfesioak

OHZ ordaintzetik salbuesten dituzten foru-arauak. Era berean, Batzar

Nagusiek eta Aldundiak, erlijio-erakundeei arlo ekonomiko edo fiskalean ematen

zaien edozein bereizketa edo pribilegio ezabatu egingo dute. Erlijioen finantzaketa

beren sinestunen kontua izango da, eta inolaz ere ez hiritar guztien kontura egiten

den zerbait.

7-Udalak erraztasunak emango ditu zeremonia zibilak (harrerak, ezkontzak eta

hiletak) oztoporik gabe ospatu ahal izan daitezen, hiritarrei erraztasunak ematen,

eta azpiegitura egokiak eskuratzen, local publikoak, bereziki, haien erabilera

sustatutuko duen araudi egokiz.

8- Hilerri publikoetan, zibilak izango baitira, eta beilatoki, publiko zein kudeaketa

pribatuekoetan, ziurtatuko da hildakoen familarteko guztiek, erlijio edo

sinesteengatiko inolako bereizketarik onartu gabe, egoki deritzen zeremonia

guztiak ospa ditzaten. Gune publiko horien buru ezingo da ipini ezein erlijio edo

ideologia partikularren ikur, ikono, edo bestalako ezaugarririk, salbu eta, hildakoen

familiartekoek zeremonia bitartean agerrararazi nahi dituztenak, eta hildakoaren

hilobian ezarri gura dituztenak. Orobat udalak, ahal den neurrian ahalegindu behar

dira erakunde erlijioso minoritarioen lurperaketetarako toki bereziak eskuratzen,

hala eskatuz gero.

9- Izaera zibileko erreferentzia eta ospakizunak sartuko dira egutegi ofizialean,

gune publikoetan eta udal kale-izendegietan, eta orobat, data finkoak eta deitura

neutroak Udaleko Eskola Kontseiluaren bidez izendatuak, eskoletako oporrentzako.

10-Udalak kontzientzia eta sinesteen askatasuna sustatuko du, eta askatasun hori

egikaritzeko eskubide guztiak errespeta daitezen bermatuko du. Horretarako,

Kontzientzia-askatasunaren babeserako Bulegoa sortu ahal izango du, hiritarren

kexu eta iradokizunak jasotzeko eta eginbideratzeko.

11- Botere publikoek begiratuko dute laikotasuna egiazkoa izan dadin ibilbide

ofizialetan ematen diren irakasgaietan, hala titulartasun publikoko ikastetxeetan

nola funts publikoekin ordaindutako edo diruz lagundutako ikastetxe pribatuetan.

Horren xedea da hezkuntza-helburuetan sar ez daitezen erlijiozko, filosofiako edo

ideologiako uste partikularrak. Ondorioz, erlijio-ikurrak kendu egingo dira, eta

galarazi egingo da erlijio-ekitaldietan parte hartzea edo ospatzea.

12- Udalek, beren eskuduntzetatik at dauden gaietan mozioak eta ebazpenak

sustatuko ditu bai Estatuari eta baita autonomiako eta lurraldeko agintariei ere

eskatzeko behar diren legegintza-neurriak har ditzan Estatu laikoa ezartze aldera,

eta bai eliza katolikoak eta baita beste erlijio-konfesioek ere gozatzen dituzten

probilegio guztiak –proposamenen eta neurri dokumentu honetan biltzen diren

bezala- ezabatze aldera. Beren eskuduntzen barruan dagoen heinean, udal

laikotasunerako ordenantza edo erregelamenduak egin ahal izango dituzte.

LAIKOTASUNA-COLECTIVO POR LA LAICIDAD.